fishball
Linda Bansil
kapag ako'y nalulungkot
iniihahagis
ko ang sulat mo sa dagat
upang dahan-dahan itong
lumubog
na sinasalubong ng buhangin
inaaantay na lamunin ng isda
ang iyong mga salita
upang maglakbay ito
at mahuli ng mangingisdang
magbebenta sa intsik
sa intsik na factory ay hahaluan ng arina
at ibebenta ng mamang may kariton
na piniprito ang bolang sinawsaw
sa sukang may paminta
paminta at sibuyas
at sa iyong pagkagat ay maalala
at magunita ang ating alaala
na tatawirin mo ang dagat pabalik
sa atin.
Comments